1. søndag i advent :D

Ja, i dag er det 1. søndag i advent, og julestemninga har komt til leiligheta.

Vi fire som bur her hadde for første gong felles frokost, der det vart dekka på med både varme rundstykker, eggerøre, kakao og kaffi. DEILIG!!

Ellers er det pynta til advent med lilla duka, 7-arma julestake i vinduet, adventsstaket, og ellers et par nissa og noken engla. Julemusikken er også, for første gong i år, på høgtaleren.

I kveld blir det julekonsert i Betania. Så no er det ikkje lenge til jul!! :D

Koselig besøk og masse snø

I helga har eg hatt besøk av Elisabeth :D Det har vore veldig koselig!! Vi har vore i Tyholt-tårnet på Egon og sett utover byen, laga masse pizza og hatt pizzakveld med fleire Vestborgfolk, og berre kosa oss heile helga :D

I tillegg so har det komt masse snø her i Trondheim, det har snødd heile helga. So då var det berre å leite fram boblejakka frå Mongolia! Det kjem fleire og fleire juleting i butikkane, og i eit av vindauga over vegen er det ei julestjerne!! Det synes eg er litt for tidlig!! Men eg må innrømme eg får litt julestemning sjølv av all snøen som har komt. Berre 3 veke igjen til advent no då, det blir koselig å feire jul heime igjen i år!

Denne veka har vi estetisk veke på skulen, det er eit tverrfaglig opplegg frå både naturfag, matte, norsk, pedagogikk, musikk og kunst og handverk. Temaet er bergarta og målet er at vi skal lage et estetisk uttrykk utifrå dei inntrykka vi får frå undervisning om bergarta, trur eg iallefall. I dag har vi hatt en del om estetikk, kunt og musikk, og det har vore ein litt annaleis mandag, og det blir ei litt annaleis veke. Men det er gøy å prøve ut noke litt anna enn berre naturfag, norsk, matte og ped. :D

Alt i alt har dei siste dagane vore veldig bra!! :D

Livet i Norge

No har eg gått gjennom bloggane til alle dei som er i Mongolia, og eg må sei at eg lengta tilbake, og skulle ønske eg kunne få med meg alt det spennande som skjer der, og eg savna alle dei fantastiske menneska der. Som eg sa når eg kom heim, så er ikkje Norge heilt det same etter å ha vore i Mongolia eit år. Men når det er sagt so har eg det veldig bra i Norge også.

Eg har begynt på grunnskulelærerutdanning på HiST i Trondheim, og synes det er veldig spennande, og eg har allereie lært mykje. I løpet av sommeren og hausten har eg fått vore veldig mykje ilag med familien, og det har vre ekstra kjekt no, spesielt sidan eg har vore vekke så lenge. Sjølv om eg har flytta til Trondheim så er det kjekt å ha familien så nærme. Eg bur ilag med søstra mi, og bror min bur også her i byen så dei ser eg ofte, men eg har også vore to gongar heime på Standal i haust.

Ellers skjer det eigentleg ikkje så mykje utanom skulen, bortsett frå at eg har blitt med på eit volleyballag her. Det er veldig kjekt, vi har allereie spelt to cup-ar, og seriekampane begynde no på søndag, sjølv om eg dessverre ikkje kan vere med då.

Det var vel alt for dinne gongen :D

Lenge sida sist...

Ja, då er det veldig lenge sidan sist eg har skrive noko her. Eg har iallefall komt meg tilbake til Norge og har begynt å studere. Det har skjedd ein del, men eg veit likevel ikkje heilt kva eg skal skrive her no. Så derfor legg eg inn ei helsing eg skreiv til Glimt for ikkje så lenge sidan.

Tilbake frå Mongolia

Etter eit flott år som ettåring i Mongolia, er eg no tilbake i Norge. Eg har byrja å studere i Trondheim, men ser tilbake på eit år eg aldri kjem til å gløyme.

Frå tida mi i Mongolia sit eg igjen med mange og ulike minner som eg ikkje ville bytta med noko. Eg har fått bli kjent med misjonsarbeidet, med misjonærane og Mongolia. Eg har blitt betre kjent med meg sjølv og meir bevisst på mitt forhold til Gud. Det at eg har fått mange utfordringar, har brakt meg nærmare Gud og eg har vokst både åndeleg og personleg.

Noko av det beste med Mongolia synes eg er kulturen. Folket er tradisjonelt nomadar, og veldig mange er det fortsatt. Det har vore ein opplevelse i seg sjølv å køyre ute på dei store steppene. Plutseleg bur det ein familie eller to i geren (teltet) sin, midt ute i ingenmannsland. Mongolerane er veldig hyggelege, og til tross for at mange er ganske fattige og lever under fattigdomsgrensa, har eg berre opplevd gjestfriheit hos dei. Ein annan ting som har gjort inntrykk er dei kristne. Dei er veldig aktive i kyrkja, og utruleg engasjerte i å få nye til forsamlinga si. Kyrkja er som regel full både på søndagane, når dei har studentgudstjeneste, og når det skjer andre ting. Derfor har dei no begynt å byggje eit nytt kyrkjebygg i hovedstaden.

Det eg har lært mest av er det arbeidet eg har gjort sjølv og tida eg har hatt i lag med misjonærane og misjonærbarna. Gjennom aktiviteter med misjonærbarna, som bibelgruppe og søndagsskule, har eg fått utfordringar som har forandra meg og gitt meg nye erfaringar om kva eg klarer sjølv, og kva Gud må hjelpe meg med. Gjennom både eigne opplevelsar og det eg har fått høyre frå misjonærane, har eg lært litt om korleis det er å bu og leve i ein annan kultur.

Til slutt vil eg takke for all forbønn og omtanke, og eg vil takke NLM for å ha gitt meg muligheten til å reise ut. Mongolia treng fortsatt forbønn og anna støtte, og også misjonærane, som gjer ein stor jobb for å forbedre livsvilkåra til mange mongolarar, treng vår støtte.

Og so nokre få minner frå Mongolia:

Eg i min flotte Deel (Mongolsk nasjonaldrakt).

Eg drikk melkete i ein ger :D

Søndagsskulen i Ulaanbaatar, med veldig flotte misjonærbarn.

Berre ei veke igjen..

Ja, då er det faktisk berre ei veke igjen til eg flytter tilbake til Norge. det vil sei at eg har prøvd å fått med meg så mykje som mulig desse siste vekene. Og det har eg gjort.

Forrige helg var mi siste jobbhelg og vi hadde avslutning med både laurdagsklubben og søndagsskulen, torsdagen før var avslutning med bibelgruppa eg har hatt for ungdommane her. Siste laurdagsklubben var overnatting her heime hos meg, med speling av brettspel, leiking og film vart den ein veldig fin kveld og søndagsskulen vart holdt morgenen etterpå, der vi avslutta med baking av gamaldagse (usyrte)brød. I tillegg har eg og Elise to helger på rad hatt Grey's Anatomy vake, det vil si at vi har sittet og sett på tv-serien hele natten. Siste natten var også Battsetseg med. I går var det avslutning med familiesamling heime hos Berg. Det var veldig koselig.
Ellers har desse tinga skjedd:


Det har vore sandstorm i byen. Stortsett er det sol og varmt her, men det hender også at det regner ein del.


Eg har vore på sports bankett som ISU (den internasjonale skulen) hadde for alle som har spelt basketball, volleyball og fotball for ISU dette året. Dette gjaldt også Elise, Kristian og Matias. Berit inviterte meg med og det var ein veldig fin kveld med mat, taler og prisutdelingar til spelarane.


Eg og Battsetseg har vore på Shrek 4. Sidan det var 3D fikk vi sånne kule briller :D

Eg, Berit, Silje og Alise (ein tidlegare misjonær som var på besøk ein tur) har vore på balletten om Tornerose. Vi hadde ikkje dei beste plassane, men det var ein veldig fin ballett.

Ein person frå Norge var her i UB nokre dagar og hadde også lyst å sjå kva NLM held på med og fekk ein tur rundt med sosialprosjektet for å sjå kva dei driv med, så eg slang meg på turen. Denne dagen hadde dei noke som heiter "make your ger blue", altså lag geren din blå. Dette går ut på at dei samlar saman ein del familiar som får eit ark med ein ger som er delt inn i ulike kategoriar. Desse kategoriane er ulike behov som kan vere aktuelle i nærmiljøet til familiane, som f.eks. barnehage, oppfølging av gravide, toaletter osv. Dei får ein del undervisning om dei ulike kategoriane og så skal dei farge punkta på geren svart, gult eller blått alt ettersom kva dei meiner behova er. Svart betyr at behovet er stort, gult betyr at dette ikkje angår den familien og blå betyr at dette behovet er dekt. Blå er bra, derfor heiter det lag geren din blå.

Og så har eg mine siste dagar på kontoret.

No må eg nesten begynne å pakke.

Broderingsmodus

I påska begynte eg å brodere eit bilde, men eg har igrunnen ikkje vore veldig effektiv før no denne siste veka.


For litt over ei veke sidan såg det slik ut


No er det slik :D

Og slik skal det bli. Viss eg fortsett i dette tempoet blir eg kanskje ferdig til eg reiser heim igjen?

Dåp

I dag var det dåp i den mongolske kirka Bayriin Medee. Åtte ungdomar, to gutar og seks jenter, vart døypte. Eg får ikkje med meg noko av det som blir sagt, i og med at alt foregår på mongolsk, men det var fint å få med seg at nye blir døypt. Mellom anna vart ei av dei jentene eg har blitt litt kjent med her døypt. Dette var ein veldig viktig dag for ho, og det merkast at ho vil høyre Jesus til. Det er godt å sjå. Vi takkar Gud for dei åtte ungdomane!